منتديات طائر الحب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات طائر الحب
نحن لا ندعي التميز ولكن نتمني الوصول اليه
منتديات طائر الحب
::
اقسام الثقافية والأدبية
::
منتدى القصص والروايات
حوار بين طفلتين بريئتين في تلاجة الموتى
كاتب الموضوع
رسالة
White angle
المدير العام
الجنس
:
الابراج
:
المساهمات
:
8198
العمر
:
29
البلد
:
GazZza
العمل/الترفيه
:
انتر نت
المزاج
:
رايق
تاريخ التسجيل :
30/05/2008
موضوع: حوار بين طفلتين بريئتين في تلاجة الموتى
الإثنين يوليو 20, 2009 10:27 pm
تقول الصغيرة للشقيقة ( لمى ) :
برد كتييييير يا
حنين
!!
ليش القبر هيك بارد
وبلمع متل الحديد؟
ترد عليها اختها ( حنين ) :
يا
لمى !!
هاد مو القبر يا حبيبتي .. هاي تلاجه المستشفى ، الي كنا نشوفها ع التلفزيون !
لمى :
هل سترانا
"بنات صفّنا"
اليوم على التلفزيون ؟!
حنين :
طبعاً .. > نحنا الأن
شهيدتان
!!
لمى :
معقول ؟ انا
شهيده
؟ انا لسه صغيره يا
حنين
!!
كنت حابه اصير
دكتوره مو شهيده
!!
حنين:
نامي الأن . غداً سنذهب عند
الله
. لازم نصحى بكير<
لمى:
حنين
..بتعتقدي مات
الحمار
؟
حنين:
بجوز بس بتعرفي؟ أنا كنت حابه أكمل المسلسل قبل ما اموت
, نيالهم سماح وعلا رح يعرفو شو رح يصير بالأخر.
لمى:
ما في تلفزيون بالجنه؟ بنشوفو هناك
حنين:
تعالي قربي عندي حبيبتي
لمى:
حنين ليه بظلو يفتحو علينا باب التلاجه؟
حنين:
مشان المصورين يصورو الشهدا!
لمى:
طيب هلء بكرا عند الله بدهم يحطوني بالنار؟
حنين:
ليه انتي شو عامله؟
لمى:
بتعرفي ! الأسبوع الماضي أخدت قلم إياد وما رجعته
خايفه يكون الله زعلان مني
حنين:
لا يا حبيبتي ما تخافي .. إياد (
أخوكي
) .. هلء بكون
يدعيلك ويقرألك
الفآتحه
والله رح يسامحك
لمى:
بكرا اي ساعه رح نطلع؟
حنين:
ما بعرف بالزبط لأنو في شهدا كتير كان اليوم ..ورح يكون
زحمه كتير!
لمى:
ليه ما بجيبلونا اكل هون؟
حنين:
شو أكل ؟؟ إحنا ميتات حبيبتي .. مالك انتي ؟
لمى:
ميتات ؟ مو احكيتلي قبل شوي شهيدات ؟ انا جعانه !
حنين:
اصبري للصبح بتاكلي بالجنه!
لمى:
ما بدي خلص بطلت استشهد !! بدي اروح..
افتحيلي بدي اطلع
حنين:
وين بدك ترجعي يا مسكينه؟
لمى:
على بيتنا !
حنين:
بيتنا تهدم حبيبتي ما ضل منو اي حجره
لمى:
بنتخبى بالجامع.
حنين:
الجامع هدموه كمان
لمى:
طيب وين راح "
الحمار
" .. وين تخبى؟
حنين
:"
الحمار
" بدبر حالو ما تخافي عليه!
لمى:
يعني خلص ما رح نرجع ع البيت؟
حنين:
لأ هلء بيتنا عند الله.
لمى:
أحسن .. في بالجنه مدارس؟
حنين:
لأ ما تخافي
لمى:
طيب في حرب ؟
حنين :
ما بعرف يمكن
حنين:
بتعرفي انا خايفه كتير ع بابا
لمى:
ليه؟
حنين:
مبارح كان يحكي انو العرب بدهم ايانا نعمل انتفاضه تالته
وبابا خايف يموت فيها !
لمى:
شو يعني انتفاضه؟
حنين:
يعني فلسطينيه كتيير بموتو!
لمى:
وشو بصير بعدها؟
حنين:
ولاشي !
لمى:
كيف ولا شي يعني؟
حنين:
يعني ولا شي.
لمى:
طيب ايه العرب بدهم ايانا ننتفض من جديد؟
حنين:
مشان يحسو انو نحنا بنموت ونحنا بنحارب مو نحنا نايمين
لمى:
وهم شو بيفرق معهم؟
حنين:
بكونو مرتاحين اكتر!
حنين:
يا حرام العرب كتير بتعبو وهم يصرخو ع التلفزيون
.انا بحزن عليهم.
لمى:
طيب أحنا ليه إسرائيل بتكرهنا ؟
حنين:
اوووف ...انتي ليه اسألتك كتيره اليوم؟
لمى:
زهقانه !! وما في اكل ولا تلفزيون .. وبرد كتير
حنين:
خلينا بحالنا . هلء مو وقت التلفزيون!!
لمى:
شفتي خطيب الجامع ع التلفزيون؟ كان يدعيلنا كتير!
حنين:
ولك هاد مو خطيب الجامع هاد ( عمو الزلمه )
لمى:
طيب شو يعني المقاومه الي كان يحكي عنها؟
حنين:
يعني انو ما تهربي من الصاروخ!! زي ما كنتي بدك تعملي
لمى:
يعني هلء هو ما بحب إياد لأنو هرب من الصاروخ؟
حنين:
ما بعرف بس إياد ما بعرف يقاوم !
لمى:
طيب هو عمو الزلمه كيف بقاوم؟
حنين:
اوووووف .. >شو بعرفني . روحي اسأليه!
لمى:
بيرمو صواريخ صغيره ع إسرائيل .. صح ؟
حنين :
اه
لمى :
طيب هاي ما بتنفع ما بتصيب حدا!
حنين :
شو رأيك انتي يعني ؟؟
لمى:
ما عندو صواريخ كبيره تقتل كل إسرائيل؟
حنين:
لأ ما عندو .. وخلص اسكتي
لمى:
ما بدي اسكت .. بدي افهم انا ليش متت
حنين:
عادي يعني .. مو نحنا دايماً بنموت؟
لمى:
بس الحمار هرب ما مات
حنين:
لأنه حمار !!
لمى :
بتعرفي مبارح شفت !! بقج الملابس !! الي بعثوها
الحرب ..حلووه كتير لو ما متنا كان طلعلي فستان او لعبه
لمى:
شو هالصوت ؟؟ سمعتي هالضجه ؟؟
حنين:
شكله الممرض فاتح التلفزيون .. هاي مظاهرات مشان
نحنا متناا
لمى:
يعني هلء بكتبو عنا شعر متل محمد الدره؟
حنين:
أه بس يا خساره " درويش مات " .. مين رح يكتب ؟
لمى:
عندي فكره !! بكرا بشوف درويش .. عند ربنا وبخليه
يكتب قصيده النا لحالنا وما يقرأها حد الى انا وانتي !
حنين:
فكره حلوه
لمى:
طيب احكي للمرض يحط ع المسلسل!
حنين :
كيف احكي ؟ما انا ميته متلي متلك!
لمى:
طيب هلء بس ينام الممرض رح أنزل من هاد الجارور
شوي شوي ع السكيت وأهرب ع البيت
حنين :
لأ اوعي .. بيشوفوكي وبطخوكي مره تانيه
لمى:
ليه؟؟ بشوف الحمار وين تخبا وبتخبا متلو!!
حنين:
اوووووف انتي بدك تخربي بيتنا بكلامك؟
لمى:
أنتي مو حكيتي بيتنا تهدم ؟؟
حنين:
اه بس قصدي .... خلص اسكتي !
لمى:
يا الله لو اني هلء بالبيت كان عملت سندويشة لبنه!
حنين:
شو بآلك فاضي ؟
لمى:
طيب عمو الزلمه بحب السندويشه باللبنه ؟
حنين:
لأ هو ما بحب غير الصمود بس !
لمى :
يا الله .. يعني شو اعمل حاسه حالي بدي اموت
ع سندويشه اللبنه
!!
بتمنى يعجبكم الموضوع
!!
أعجبني
لم يعجبني
حوار بين طفلتين بريئتين في تلاجة الموتى
صفحة
1
من اصل
1
صلاحيات هذا المنتدى:
لاتستطيع
الرد على المواضيع في هذا المنتدى
منتديات طائر الحب
::
اقسام الثقافية والأدبية
::
منتدى القصص والروايات
منتديات طائر الحب
::
اقسام الثقافية والأدبية
::
منتدى القصص والروايات
انتقل الى:
اختر منتدى
|
|--مدونه المنتدي
|--الاقسام العامة
| |--المنتدي العام
| |--منتدى الاسلام والشريعة
| |--منتدى الإهداءات والترحيبْ
| |--منتدى الحِـوَار الجَادْ والنِقاشَات الهَـادِفةْ
| |--منتدى الأخبار والحوادث
|
|--اقسام الثقافية والأدبية
| |--منتدى همس الخواطر
| |--منتدى الشعر والأدب
| |--منتدى الطُلابِ والطـَالِبْاتّ
| |--منتدى القصص والروايات
|
|--قسم الأسرة والمجتمع
| |--منتدى آدمْ
| |--منتدى حّـْواءّ
| |--منتدى الأطـبّاقْ والمأكُـولاتْ
| |--منتدى الصِحْـة والطّـبّ
|
|--الاقسم الفنية والسنيمائية
| |--منتدى الأغاني العربية والأجنـبية
| |--منتدى الافلام و المُسَـلسَاتُ والمَسـرْحِياتّ
|
|--الاستراحه
| |--منتدى الضِحّـكْ والفّكاهـَةْ
| |--منتدى الألعـْاب والمُسـّابقَاتّ
| |--منتدى الغّـرائِبْ والصُـوْر
| |--منتدى الرِياضـة وعـالم السـيارات
|
|--.. قسم الكمبيوتر والانترنت ومتعلقاته..والهواتف النقاله
| |--منتدى الكُمْبـيوٍترْ وٍ الأنَتـرٍنْت
| |--منتدى التّـصْميمّ والجّرافِيكـسْ
| |--منتدى الجْـوٍالاتَ والهَـوَاتِفْ وٍآلمًسٌِِّجْـآتُ
| |--منتدي تطوير المواقع والمنتديات
|
|--الاقسام الادارية
|--أرشيف المَواضِيعْ المُكّـرَرَة وَالقّدِيـمْة
|--منتدى خاص للمراقبين والمشرفين
موضوع: حوار بين طفلتين بريئتين في تلاجة الموتى 
الإثنين يوليو 20, 2009 10:27 pm
